Ixcursión a u Ispíritu Santu

A mañán de u 28 de noviembri fomus de ruta. Semus du colegiu as 10 da mañán. Feya fríu pero istaba soliau. Niñun mus quiríamus puñel a chaqueta purque tiñamus calol de educación física i a u final cashi nun nus la quitamus, solu in as tumbas antropomorfas de Tabaris purque é un lugal bastanti cálidu.

Fomus tós cursus, de infantil a sextu. Cuandu chegamus mus comemus a merenda, us mayoris fomus ixploral mentras us máis pequenus ixhugaban.

De volta mus disviamus, mus metemus pur unha caleixha pa dil pur un camiñu que atrochaba as tumbas, tós menús us de infantil que regresorin pur u mismu camiñu i us arrecolleran us pairis pur debaixu da Fonti Álamu, in u camiñu de San Miguel.

Mus cansamus mutu. A mayuría mus comemus tó que levamus, i cuandu chegamus a casha, a discansal purque anduvemus por lo menus seis kilómetrus.

Nus lu pasamus muy ben.

Paula, Yaiza, Iker y Pablo (Remix Araceli)